pli-tv-bi-pm:217.0–217.10

Pācittiya 148. Kaṇṭakasikkhāpadaṁ Samaṇuddesāpi ce evaṁ vadeyya: “tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā”ti. Sā samaṇuddesā bhikkhunīhi evamassa vacanīyā: “māyye, samaṇuddese evaṁ avaca, mā bhagavantaṁ abbhācikkhi, na hi sādhu bhagavato abbhakkhānaṁ, na hi bhagavā evaṁ vadeyya, anekapariyāyenāyye, samaṇuddese antarāyikā dhammā antarāyikā vuttā bhagavatā, alañca pana te paṭisevato antarāyāyā”ti. Evañca sā samaṇuddesā bhikkhunīhi vuccamānā tatheva paggaṇheyya, sā samaṇuddesā bhikkhunīhi evamassa vacanīyā: “ajjatagge te, ayye, samaṇuddese na ceva so bhagavā satthā apadisitabbo, yampi caññā samaṇuddesā labhanti bhikkhunīhi saddhiṁ dirattatirattaṁ sahaseyyaṁ, sāpi te natthi, cara pire, vinassā”ti. Yā pana bhikkhunī jānaṁ tathānāsitaṁ samaṇuddesaṁ upalāpeyya vā, upaṭṭhāpeyya vā, sambhuñjeyya vā, saha vā seyyaṁ kappeyya, pācittiyaṁ.

Confession 148: supporting a novice nun with a bad view Also if a novice nun says, ‘As I understand the Buddha’s Teaching, the things he calls obstacles are unable to obstruct one who indulges in them,’ then the nuns should correct her like this: ‘No, don’t misrepresent the Buddha, for it’s not good to misrepresent the Buddha. The Buddha would never say such a thing. In many discourses the Buddha has declared the obstacles to be obstructive and how they obstruct one who indulges in them.’ If that novice nun continues as before, she should be told: ‘From today on you may not refer to the Buddha as your teacher. And, unlike other novices, you can no longer share a sleeping place with the nuns for two or three nights. Go! Away with you!’ If a nun befriends that novice nun, or she is attended on by her, lives with her, or shares a sleeping place with her, even though she knows that she has been expelled in this way, she commits an offense entailing confession.